Tsat’ö ar ndö, ya ngu ts’uwi, ya jö’itho wa ya mhunts’i heni wa xi hñöni ar böjö yá meti gatho, wa di yá nsu

Nuyá di ‘ñepi da unga ar hñö ha ar hai Maxei:

• Nuya ja yá ts’edi
• Ya t’uxeni hnini
• Ya ngumfats’i ndö ha ya döngundö ne ha ya t’uhnini
• Ha ya mhunts’i ja yá nsu
• Ya anweda ñ’enbojö
• Ya mhunts’i exandö
• Ya bojömfats’i ne yá njwati gatho yá meti
• Nuya döngunzadi ndöze

Ge nuya xeni habu nuya jö’i mahyoni da uni ya hñö, mahyoni da hñöni ne da hyoni hanja da döti nuya togo ne da yut’i da hñönga ya hñö, tsa da max’i wa da xi’i hanja gi hyoka ri nt’adi

Ge ár ‘ñepi n’a ngu n’a ya jö’i da ‘yadi ne da hñönga ar nthödi nuna teme ani, teme xi thogi, teme xi t’uni wa ya ts’edi nuya jö’i di ‘ñepi da unga ya nthödi

Gatho nuya hñö thandi ge gatho da bödi, di huxa ha ya he’mi nuya jö’i di ‘ñepi da unga ya hñö xi ‘yot’i, da hñöni wa xi t’umbi xi pati wa kwati

Ar nt’adi hñö hintenjut’i,  ha un’mu teme da t’a’a’i ge pa da njut’i nuya teme bi t’a’a’i, pa da m’ehni wa da nhumañho

Nupya hingi hembi ne da tsa gi ‘yadi ha ar ntunga hñö nximhai, ha ar nt’uxa hñö M’onda hinte t’ögi gi teni n’a ngu n’a nuya ñ’o:

1.- N’a. gi kut’a ha nuna goxthi ñot’i https://www.plataformadetransparencia.org.mx/.

2.- Gi hywahna nuna ar xeni “ya nt’adi

3.- Gi hwahni ár thuuhu ar jö’i ne n’a ar ‘bede nt’ögi

Da tsa gi ‘yot’a nuya ri nt’ani ha ar dögoxthi ñot’i ne ar ngu hinte t’ögi gi ‘yapabi nuya di ‘ñepi da unga ya hñö

Gi kut’i har goxthi ñot’i https://www.plataformadetransparencia.org.mx/. Ne gi tega nuya o’ñu ma da nsi’a’i:

1.- Gi hyoni ar xeni “ya nt’adi”

2.- Gi hwahni ar xeni “hyoki n’a ri goxthisee”

3.- Gi unga ri m’ehna hñöñot’i ne gi xipi ge ge’ö

4.- Udi ri thuuhu wa hanja nsi’a’i pa da fö’i

5.- Hñuxa nuya hñö da födi ge njap’u

6.- Unga  ri seki da nhehe nuya ri metise ne njap’u nuya ri thuuhu ne mothuhu da nhuu njap’u

7.- To’mi habu eno: “hñuts’i”

Nuya nt’adi xa mahyoni pa gi unga ri nt’adi, gehyu:

1.- Ri thuuhu, hanja nsi’i wa hanja gi ne da fö’i, da tsa gi ‘yot’e hingi unga ri thuuhu

2.- Ri m’ehna hñöñot’i wa habu gi ‘bui pa gi hñönga yahñö da m’eñ’a’i wa da m’ehna’i ar nzenwa

3.- Nuna ar jö’i di ‘ñepi da ‘ra’a’i ar nt’adi

4.- Gi o ar ‘ñuu hanja gi ne ar hñö

5.- Ne gi möö hanja gi ne ar hñö gi adi

Nuna teme gi adi ma da nthöt’a’i hinda thogi n’ate mpa m’efi

Da tsa gi ‘yadi da mengi da nhuu, ha ar t’uxa hñö hinte nt’ögi (https://www.plataformadetransparencia.org.mx/. Ha ar xeni “ya ngaxte ne ya nthödi” ya gi umbabi n’a ar he’mi gi ‘yot’i habu ‘bui ár nguu

Gi pesa ‘ret’a ma kut’a mpa m’efi mi nsi’a’i ge bi nthöt’a’i ri nt’ani wa bi wadi ya pan una ar jö’i di ‘ñepi da unga ar hñö ne hinxi dödi

Nuna ar ngaxte gi ‘yadi da menga nhuu da tsa gi ‘yot’e ha ar nt’uxa hñöñot’i hinte nt’ögi, ha ár xeni “yá ngaxte ya nthödi” ha nuna o ‘ñuu ñot’i https://www.plataformadetransparencia.org.mx/. Ko ri seki nkut’i ne ri m’ede nt’ögi.

Da tsa gi unga ri ngaxte ha ná ar he’mi gi ‘yot’i ha ar ngundö hinte t’ögi bi bödi ri ntani wa gi ma habu ‘bui nuya xi ntheti

Nuna ri nt’adi da mengi da nhu gehnu di tsits’i:

1.- Togo ar jö’i togo ga umbabi ar nt’adi

2.- Ár thuuhu togo unga ar nt’adi wa ‘bu n’a ár mpote

3.- Wa ár thuuhu nuna man’a honi asr nthödi, njap’u n’ehe habu gin e da zoho ar thödi

4.-Tema m’ede tu nuna ar nthödi bi t’a’a’i

5.-Ar pa bi zoho ár nthödi wa ar pa ga pödi nuna teme gi ngaxte

6.- Nu’mu himbi t’unga ar nthödi, mahyoni gi unga ar pa ga unga ri nt’adi

7.- Yo’ö gi ngaxte wa yo’ö hinga ñhogamui

Nuya xi t’ets’i xi t’umbabi yo n’ate mpa m’efi pa da unga n’a ar nthödi nuna nt’adi da mengi danhuu man’agi, da tsa da Hñuxa ma n’ate mpa

Habu da tsa ga pödi man’a tui nuna di ‘ñepkaki ga hönga ar hñö